azerbaijan
فولكلئور
سه شنبه 11 مهر 1391 :: نويسنده : qaratel���
+ به يه ن

ساياچيلار ايلين موختليف فصيللرينده، مثلا چيله گونو ،يادا يايين قوْراقليق گونلرينده ائل ، اوبا

ايچينه گئديب، سايا آدلي شعرلر اوْخويارلار .

بايرام قاباغي دا تكه اوينادان تكمچيلرين اوخودوغو شعيرلر ده سايالار سيراسيندا يئر توتور.

هم ده بيزلرده ياس سايالاري واردير كي او حاقدا آغيلار بؤلومونده بيلگيلر وئريلميشدير.

سايا سؤزونون منشأيي حاّقيندا بو گونه كيمي موختليف نظريه لر سؤيله نيليب ،مثلا فريدون بي

كؤچرلي اوْنو فارسجا سايه سؤزوويله عئيني بير كلمه كيمي قلمه آليب ، باشقالاري ايسه اونو

سايماق فعليندن آلينما بير كلمه كيمي آنلاييبلار .

منجه سايالارين فورم ، مؤحتوا و سؤز خزينهسي باخيميندان چوخ قديم بير قوشمالار اوْلدوغو نظره

آلينيرسا اوْنو ساكا و ساقا سؤزلريله ايلگيلي اوْلدوغونو دوشونمك اوْلار .

معلوم اوْلدوغو كيمي بير چوخ شعر و ماهني آدلاري موعيّن تورك ائللرينين آديله باغليدير. مثلا

گرايلي ، وارساغي ، كئشگؤللو ، بورچالي ، باياتي ، اوْوشاري آدلي مشهور موسيقي هاوالاري و شعر فورملاري ، گرايليلار ، وارساقلار ، كئشگوللولر ، بوْرچاليلار ، باياتلار ، آوشارلار آديله

باغليدير .

اوْلا بيلسين كي اسكي چاغلارين مشهور قبيلهلريندن اوْلان ساكالارين آديني داشييان بو اسكي

قوشمالار حقيقتا ده ائله اصلينده ساكالارين طرفيندن يارانميش اوْلسون .

ماراقليديركي بو گون اسكانديناوي خلقلرينين ديلينده ده ساقا آدلي بيزيم سايالاريميزا اوخشار

شكلينده انگيليزجهيه ده كئچميش و Saga فوْلكلوريك شعرلر ترّنوم اوْلماقدادير . همين سؤزجوك

اوْ ديلده شيفاهي ، منظوم تاريخي روايت معناسيندا ايشلهنيلير.

سايالاردان اؤرنكلر :

سلام عليك ساي بيلر ،

بير-بيريندن يئي بيلر .

سايا گلدي گؤرونوز ؛

سلام وئردي آلينيز .

بير قويونلا ، بير كئچي

آغلي قارا بوْز كئچي

سايا چييا وئرينيز .

ننه م او شيشك قويون ،

يونو بير دؤشك قويون .

بولاماني تئز يئتير

قيريلدي اوشاق قويون.

ننهم او خاللي كئچي،

ممهسي باللي كئچي.

اوجا قايا باشيندا

توتوبدو ياللي كئچي ،

گؤيدهكي گؤي بولودلار

يورقانيدير چوبانين.

ياستي ياستي تپه لر

ياستيغيدير چوبانين .

يومرو يومرو قايالار

يومروغو دور چوبانين.

اليندهكي دگنك

قالخانيدير چوبانين.

يانينداكي بوز كوپك

يولداشيدير چوبانين.

آغزي قارا جاناوار

دوشمانيدير چوبانين.

قويونون يوزو گلدي

دولاندي دوزو گلدي.

چوبانين قوجاغيندا

بير امليك قوزوگلدي.

يئرين داغ اوْلسون چوبان ،

كئفين چاغ اوْلسون چوبان.

قويونو ياخشي ساخلا

اوزون آغ اوْلسون چوبان.

سيزين جانيز ساغ اوْلسون.

پاييز بوغدا ياغ اوْلسون

هامينيز ائلليگينجه

داماغينيز چاغ اوْلسون .

ننهم قارا قاش قويون

قارلي داغلار آش قويون.

آي قارانليق گئجه ده

چوبانا يولداش قويون.

چوبان قويونو گؤتوره سي.

اونو برهيه يئتيره سي،

آغ بيلكلي گلينلر

ساغيم، ساغيم دئييه سي،

آغ بيرچكلي قاريلار

بيليغيم، بيليغيم  دئيه سي،

بو اوغلومون دئيه سي

بو قيزيمين دئيه سي.

ساري سويو قالاندا

بوز كؤپگه تؤكه سي.



بؤلوم :




بلاقا گؤره

Bu benim anadilim bir denizdir; derinliğiyle, gözün erişemeyeceği genişliğiyle, sınırsız gücü, güzellikleriyle... Dibinde gün görmemiş inciler yatar; üstünde binbir rengin çalkantısı var
بؤلوم لر
 
باغلانتی لار
 
یارپاق لار
آختاریش

سورغو
بو و بلاگين زنگين لشمه سي اوچون ، نه ايستر سنيز يازيلا؟






سایغاج
ایندی بلاق دا :
بوتون گؤروش لر :
بو گونون گؤروشو :
دونه نین گؤروشو :
بو آیین گؤروشو :
باخیش لار :
یازی لار :
یئنیله مه چاغی :